कञ्चनपुर । प्रेस काउन्सिल नेपालका सदस्य हरिप्रसाद जोशीले स्थानीय पत्रिकामा सम्पादकीय लेख्न छाड्दा पत्रिकाको स्तर खस्किएको गुनासो गरे ।

‘हिजोआज कपी, पेस्ट पत्रकारिता चलेको छ । कुनै पत्रिकामा पनि सम्पादकीय आउँदैन,’ नेपाल पत्रकार महासंघ सुदूरपश्चिम प्रदेश समितिले शुक्रबार महेन्द्रनगरमा आयोजित कार्यक्रमा जोशीले भने, ‘सम्पादकीय लेख्नै छाडिएको छ । यसले पत्रिकाको स्तर राम्रो बनाउन बनाउँदैन ।’

सम्पादकीय नलेखिने पत्रिका पत्रिका हुन् कि होइन भनेर काउन्सिललमा बहससमेत हुने गरेकाले तिनलाई स्थान दिएर पत्रिका छाप्नुपर्नेमा जोड दिँदै सदस्य उनले सम्पादकीय, लेख, रचना र स्थानीय विषयवस्तुलाई नै वर्गीकरणको आधार मानिनेगरी छलफल अघि बढाइएको जानकारी दिए ।