सिन्धुली । बोक्साको आरोप लगाउने ६ जनालाई प्रहरीले पक्राउ गरेको छ ।
पक्राउ पर्नेमा हरिहरपुरगढी गाउँपालिका—५ हात्तिदमारका ३० वर्षीया हरिमाया वाइबा, २३ वर्षीय शुकबहादुर वाइबा, ५० वर्षीया फूलमाया वाईबा, २६ वर्षीया रजिनामाया वाइबा, २४ वर्षीय लाल भन्ने तासिङ लामा र काभ्रे धुलिखेल नगरपालिका—८ निवासी २२ वर्षीय सुरेन्द्र तामाङ वाइबा रहेका छन् ।
स्थानीय लक्ष्मण बम्जनलाई बोक्सा भन्दै हातपात गरेको प्राप्त उजुरीका आधारमा उनीहरूलाई गत भदौ ७ गते पक्राउ गरिएको जिल्ला प्रहरी कार्यालय सिन्धुलीका प्रहरी नायव उपरीक्षक श्यामहादुर खत्रीले बताए ।
पक्राउ परेका सबैलाई जिल्ला अदालत सिन्धुलीबाट सात दिनको म्याद थप गरी बोक्सा आरोप लगाएको मुद्दामा थप अनुसन्धान भइरहेको प्रहरी नायव उपरीक्षक खत्रीले जानकारी गराए ।
