दुर्छिम (खोटाङ) । तुवाचुङ अनलाइन टीभीको सम्पादकमा देवासुर चाम्लिङ राई नियुक्त भएका छन् ।
समृद्ध सञ्चार प्रालि सञ्चालक समितिको भदौ ९ गते बसेको बैठकले तुवाचुङ अनलाइन टीभीको सम्पादकमा राईलाई नियुक्त गर्ने निर्णय गरेको हो ।
‘सोसल मिडियाको अनेकौं प्लेटफर्ममध्ये युट्युब सशक्त बन्दै गएको सर्वविदितै छ,’ नवनियुक्त सम्पादक राईले भने, ‘हामी युट्युबे होइन, युट्युबर बन्न प्रयत्न गरिरहनेछौं ।’
हलेसी तुवाचुङ नगरपालिका–५ दुर्छिम, रातमाटे खोटाङनिवासी राईसँग ‘सोसल मिडिया’सम्बन्धी गहिरो ज्ञान छ । उनले तुवाचुङ अनलाइन टीभीको नेतृत्व गर्नेछन् । उनीसँग ६ वर्ष अध्यापन गरेको अनुभव पनि छ ।
